dimanche 21 juin 2009
Bonne fête papounet :)
Par david techer, dimanche 21 juin 2009 à 16:45 :: Général
Si lé coup 16h35, le boug la pris son GSM pou appel un coup la Réinion, z'histoire cause un coup ek' son Daron...
Téléphone la sonné. La vieille la décroché. La parti rode le vieu dan' fon la coup. Le boug lé té en train arrose son band' plant'
Le Daron la pa trainé...Li la pri téléphone. Moin la di a li coma: "Bonne fête papa!"
La vé un ti momen silence après......Le Daron té content. Li la vi tout son band' z'enfan ce midi à  table. Té gaillard. Son deuxième fils la offre a li un dizaine ti canard (no ra un ti kari dans 6 mois..
....Allé di partout). Li la vé un pé besoin piské li la di a moin coma ké la vé rien coq dans park' poule...un bon paquet coqs...Ca mêm' mêm son zézer!!!
Après moin la annonce a li po mon départ sir Avignon...La mand' a moin si lo' z'affair lé té sir....Moin la di a li oui piské lo band' papier lé té déza signé ek' lo rest'...Ensuite le Daron l'artourne dan son zardin pour arrose son band' plant'.
Le daron touzour pareil! Pas grand chose pou dire mé i fé touzour plézir diskit' som' li......Ah mon vieux.Boug la la pa chanzé depui li la parti la retraite...Li lé content lève tou les zours po li okkip' son zardin ek' son ti fawm'...Y fé pi boug coma maintenant...La longtemps moin la pa rent' la kaze mé bon. Moin nana 2 3 z'affair po moin faire ici après mi rent' poru voir la famille. Mé avant nana enkor' 2 3 z'affair po moin finir ici avant après mi rent' pou voir la famille